وجهت النجمة اللبنانية "نانسي عجرم" رسالة إلى الطواقم الطبية، تقديرا لدورهم في مقاومة وباء فيروس كورونا الذي اجتاح العالم، وزيادة عدد المصابين بالوباء خلال الموجة الثانية في لبنان.
وكتبت "عجرم" عبر حسابها الرسمي تويتر "نحنا تعبنا بس انتو ما استسلمتوا، نحنا خايفين بس انتو بعدكن متحدين، نحنا عم نضعف بس انتو قوّتنا، أطباء وممرضين ومسعفين، انتو أشخاص عم بتقاوموا التعب وتواجهوا الخوف لتحمونا، عم بتحاربوا الموت لتبقى الحياة".
وأضافت قائلة:" انتو ما عم بتناموا سهرانين على سلامتنا، انتو بعاد عن بيوتكن حتى نحنا نبقى محميين ببيوتنا، انتو محرومين من أهلكن حتى نحنا ما نخسر أهلنا، انتو عم تهتموا بكل مريض بوقت نحنا محرومين نرافقن، إلكن انتو كل الطاقم الطبي شو ما قلنا قليل وصعب كتير نوصف الحب يلي عم تقدمولنا ياه بلا أي مقابل".
وتابعت "كل طبيب، كل ممرض، كل مسعف، انتو مش جيش أبيض وبس، انتو قلوب شفافة وصادقة ما بتعرف الا تحب ورح تبقى تحب بصدق وبدون مقابل، لأن عالمنا بحاجة لكتير حب حتى يشفى".